Ekkert millilandaflug verður í gegnum Akureyrarflugvöll í nótt og í fyrramálið. Ekki liggur fyrir nákvæmlega klukkan hvað lokað verður fyrir flug til og frá landinu í gegnum flugvöllinn. Millilandaflug mun þó geta farið í gegnum Egilsstaði.

Að sögn Hjördísar Guðmundsdóttur, upplýsingafulltrúa Flugstoða, mun það svæði sem ekki er gefin blindflugsheimild fyrir færast yfir Akureyrarflugvöll fyrr en búist var við, eða einhvern tíman í kvöld. Útlit er fyrir að staðan verði sú sama í fyrramálið. Á meðan svo er verður ekkert millilandaflug um völlinn, en í dag hefur millilandaflugi verið beint til Akureyrar.

Áfram verður þó hægt að lenda í sjónflugi á Akureyri, í Reykjavík og Keflavík.

Hjördís hvetur fólk til að fylgjast með á heimasíðum flugfélaganna og á textavarpinu.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 4 blogg um fréttina

Bloggað um fréttina

• Gunnar Th. Gunnarsson: Auga með Steingrími og Jóhönnu
• Guðmundur Júlíusson: Nú er líka búið að loka Akureyrarflugvelli!
• Haraldur Haraldsson: Akureyrarflugvelli líka lokað /hvað um Egilstaði?????
• Axel Jóhann Axelsson: Langt rútuferðalag fyrir stutt flug