Landhelgisgæslan flutti þyrluna TF-GNÁ og flugvélina TF-SIF til Akureyrar í gærkvöldi og í nótt.  Georg Lárusson forstjóri sagði að þetta hefði verið gert til öryggis vegna yfirvofandi lokunar Reykjavíkurflugvallar vegna ösku úr Eyjafjallajökli. Þyrlan fór í gærkvöldi frá Reykjavík og reiknaði Georg með að flugvélin færi eftir miðnættið.

Fullskipaðar áhafnir, 10-12 manns alls, fóru með vélunum. Georg sagði í gærkvöldi óvíst hve lengi flugvélarnar yrðu á Akureyri. Landhelgisgæslan fékk aðstöðu fyrir flugvélarnar á Akureyri í flugskýlum á vegum Flugsafnsins og í skýli í einkaeigu fyrir milligöngu Arngríms Jóhannssonar, að sögn Georgs.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 2 blogg um fréttina

Bloggað um fréttina

• Þorsteinn Valur Baldvinsson: Hugsum til framtíðar
• Sumarliði Einar Daðason: Þurfti gos til þess að stjórnvöld standi við plön