Nýr gíg­ur kom í ljósi inni í nyrðri sig­katl­in­um á Eyja­fjalla­jökli í mæl­inga­flugi flug­vél­ar Land­helg­is­gæsl­unn­ar TF-SIF yfir gosstöðvun­um snemma í morg­un. „Minni gíg­ur inni í þeim sem fyr­ir er mynd­ast oft þegar kraft­ur eld­goss dvín­ar,“ seg­ir Magnús Tumi Guðmunds­son jarðeðlis­fræðing­ur.

Gíg­ur­inn nýi sem sést á mynd­inni hér að ofan skag­ar fram í nyðri gíg­inn og er lík­ast­ur kjafti á skrúf­lykli. Gíg­jök­ull sem fell­ur niður að Markarfljóti ligg­ur niður frá gígn­um.

„Mér finnst lík­legt að það versta í þessu gosi sér yf­ir­staðið. Venju­lega er kraft­ur eld­gosa mest­ur í upp­hafi en dvín­ar svo eins og gerst hef­ur í Eyja­fjalla­jökli. Að öðru leyti er erfitt að segja til um fram­vindu goss­ins,“ seg­ir Magnús Tumi. Talið er að um 20 til 30 tonn af gos­efn­um komi úr gíg Eyja­fjalla­jök­uls en kraft­ur­inn er nú aðeins 3 til 5% af því sem var fyrstu þrjá til fjóra fyrstu gos­dag­ana.

Mynd­ir úr flug­vél Land­helg­is­gæsl­unn­ar hafa verið mjög þýðing­ar­mikl­ar við at­hug­an­ir á fram­vindu goss­ins og vís­inda­mönnn­um hef­ur verið mik­ill akk­ur í því að kom­ast reglu­lega í flug með Gæslu­mönn­um.

„Sam­starfið við áhafn­ir á flug­vél og þyrl­um gæsl­unn­ar hef­ur verið al­veg frá­bært. Flug­vél­in nýja hef­ur opnað mikla mögu­leika. Radar­mynd­irn­ar sem við höf­um fengið úr tækja­búnaði henn­ar fást ekki úr neinni ann­ari ís­lenskri flug­vél,“ seg­ir Magnús Tumi.

Tengd­ar frétt­ir

Eld­gos í Eyja­fjalla­jökli

Tíu ár frá því gos hófst í Eyja­fjalla­jökli

• Ösku­ský tíðari en áður var talið
• Sam­ráð við heima­menn nauðsyn­legt
• Fimm ár frá eld­gos­un­um
• Gjör­breytt sýn á jök­ul­inn

» Fleiri tengd­ar frétt­ir

• 5 blogg um frétt­ina

Bloggað um frétt­ina

• Helga Kristjáns­dótt­ir: Eld­gosið að dvína.
• S i g u r ð u r S i g u r ð a r s o n: Nokkuð al­gengt að sjá gíg í gíg
• Sig­urpáll Ingi­bergs­son: Eyja­fjalla­jök­ull geysi­vin­sæll á Google
• Guðmund­ur Júlí­us­son: Nýr gíg­ur að koma í ljós!
• Vil­hjálm­ur Örn Vil­hjálms­son: Gýg­ur­in Gígí