Eldgosið áfram á sama róli
Setja bókamerki
Lítil breyting hefur orðið á eldgosinu í Eyjafjallajökli í nótt, samkvæmt mælum Veðurstofunnar, að sögn Hjörleifs Sveinbjörnssonar jarðfræðings. Gosórói og GPS-mælingar sýna mjög svipaða niðurstöðu og í gær. Vatnshæð við gömlu Markarfljótsbrúna er ívið lægri en í gær.
Hjörleifur sagði að af vefmyndavél Vodafone, sem beint er að Gígjökli, megi einnig sjá aðeins minna rennsli en var í gær. Það komi heim og saman við mælinguna við gömlu Markarfljótsbrú.
„Óróinn er mjög svipaður, hann er nánast óbreyttur síðasta sólarhringinn,“ sagði Hjörleifur. Í gær sáu jarðvísindamenn að hraun var farið að renna undir jökulinn. Það kann að hafa brætt meiri ís í fyrstu en síðan hlaðist frekar upp.
GPS mælar höfðu sýnt talsverða hreyfingu í jarðskorpunni kringum Eyjafjallajökul vegna þenslu fyrir eldgosið. Eftir að gosið hófst gekk þenslan nokkuð hratt til baka. Nú hefur hægt mjög á breytingum á GPS mælum og eru breytingarnar mjög litlar nú.
Miklar drunur hafa heyrst frá gosstöðinni í gærkvöldi og morgun. Fram kemur á vefnum sunnlenska.is, að drunurnar heyrist vel á Hvolsvelli og víðar í Rangárþingi.
Virknin dregist saman um 600 metra
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
Yfir 300 stæði fóru undir hraun
Mæðgur dæmdar til að greiða 64 milljónir
Ástæða til að ætla að eldgosahrinu fari að ljúka