Hrunið og skýrslan krufin í HÍ

Opnir umræðufundir verða í Háskóla Íslands í þessari viku. Þar á að draga lærdóm af skýrslu rannsóknarnefndar Alþingis um hrunið og koma með ábendingar um mikilvæg framtíðarverkefni. Fyrsti fundurinn verður í hádeginu í dag og er yfirskriftin Menning og  samfélag - liggja þar rætur hrunsins? 

Kristín Ingólfsdóttir rektor Háskóla Íslands flytur ávarp í upphafi fundarins í dag. Hulda Þórisdóttir, lektor í stjórnmálafræði, ræðir efnahagshrunið sem afsprengi aðstæðna og fjötraðrar skynsemi.  Þá fjallar Guðmundur Jónsson prófessor í sagnfræði um hrunið og hnattvæðinguna og erindi Guðmundar Hálfdánarsonar prófessors í sagnfræði heitir Frjálsasta þjóð í heimi.

Fundurinn í dag er sá fyrsti í runu fimm slíkra sem allir verða í hádeginu í þessari viku. Í hverju hádegi verða flutt  tvö eða þrjú 15 mínútna inngangserindi og í kjölfarið verða umræður og fyrirspurnir til fyrirlesara. Fyrirlestrar verði teknir upp og settir á vef HÍ.  

Málshefjendur koma úr Hagfræðideild, Lagadeild, Sagnfræði- og heimspekideild, Félags- og mannvísindadeild, Stjórnmálafræðideild og Viðskiptafræðideild HÍ.

Fundarstjóri í dag er Anna Agnarsdóttir prófessor í sagnfræði. 

Frétt Háskóla Íslands um fundaröðina

• 3 blogg um fréttina

Bloggað um fréttina

• Jóhann Elíasson: ÁBYRGÐ HÁSKÓLASAMFÉLAGSINS ER MIKIL!!!!!
• Páll Vilhjálmsson: ESB-hugarfar í stað útrásar
• Heimir Lárusson Fjeldsted: Í boði Rúmfatalagersins