Fannst sofandi við höfnina

Lögreglan á Akranesi fékk snemma á sunnudagsmorgun tilkynningu um mann sofandi utandyra niðri við höfn.  Maðurinn var kominn á fætur þegar að var komið en orðið ansi kalt. 

Lögreglan segir, að maðurinn, sem kom frá höfuðborginni, hafi verið talsvert ölvaður en nokkuð viss um að hann væri á Akranesi.  Mundi það eitt að einhver félaginn hafði stungið upp á því að þeir skelltu sér á Akranes til að drekka.  Taldi hann  að hann ætti vísa gistingu á Akranesi en hafði bara ekki hugmynd um hvar. 

Lögreglan skaut skjólshúsi yfir manninn fram eftir morgni.

• 1 blogg um fréttina

Bloggað um fréttina

• Heimir Lárusson Fjeldsted: Æsileg lögreglufrétt