Sami gangur í gosinu

Lítið hefur verið hægt að fylgjast með eldgosinu í Eyjafjallajökli í dag. Að sögn Björns Oddssonar, jarðfræðings hjá Jarðvísindastofnun Háskóla Íslands, er „gangur gossins“ sá sami og undanfarna daga; enn gýs af góðum krafti en samt mun minni en í upphafsfasanum. Þá sé gjóskan grófari en í fyrstu.

Björn fór í eftirlitsflug með Landhelgisgæslu Íslands í dag. Hann segir að klepragígur í ískatlinum haldi áfram að hlaðast upp og hraun að renna til norðurs. Þá hafi engar fréttir verið að öskufalli á Hvolsvelli í dag.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Haldbetri upplýsingar um gosið vantar
• Jens Guð: Gífurlegur ávinningur af eldgosinu