Eldgosið hafði áhrif á líf 14% Bandaríkjamanna

Eldgosið í Eyjafjallajökli hafði með einum eða öðrum hætti  áhrif á líf 14% Bandaríkjamanna samkvæmt nýrri könnun Gallup. Ráða má af könnuninni að eldgosið hafi haft mest áhrif á áform íbúa á austurströnd Bandaríkjanna. 

Fram kemur á heimasíðu Capacent Gallup, að áhrif  eldgossins séu margvísleg.  1% aðspurðra sögðu gosið í Eyjafjallajökli hafa sett ferðaáætlanir sínar úr skorðum, 3% sögðu einhver önnur áform hafa raskast og 5% sögðu að viðskipti þeirra hefðu orðið fyrir truflunum vegna gossins.

Könnunin, sem birt var í dag, var gerð dagana 24. og 25. apríl. Flug lá að mestu leyti niðri í Evrópu dagana 15. til 20. apríl.

Könnun Gallup

• 1 blogg um fréttina

Bloggað um fréttina

• Haraldur Haraldsson: Eldgosið hafði áhrif á líf 14%Bandaríkjamanna/hvað þá Evrópubúa !!!!!!