Vatnið mældist 17 gráður

Sérfræðingar Veðurstofu Íslands hafa mælt rennsli og tekið sýni við Markarfljót af flóðum sem koma reglulega undan Gígjökli vegna bræðsluvatns frá eldgosinu í Eyjafjallajökli. Vatnshitamælir er við gömlu Markarfljótsbrúna og í morgun mældist hitastig vatnsins vera um 17°C.

Mikill gufu- og gjóskumökkur er enn greinilegur í Eyjafjallajökli. 

Gosórói jókst í gær. Aukningin gæti verið vegna samspils íss og hrauns í Gígjökli eða breytinga í gosrás. Engir jarðskjálftar mældust við Eyjafjallajökul í gær. Ekkert bendir til gosloka.

Sprengigosið (framleiðsla gjósku) hefur heldur aukist undanfarna sólarhringa og er flæði gjósku upp úr gígnum talið vera 10-20 tonn/s. Erfiðara er að meta breytingar á hraunflæði og því ekki vitað hvort það hefur aukist.

• 1 blogg um fréttina

Bloggað um fréttina

• S i g u r ð u r S i g u r ð a r s o n: 17 gráðu heitt eftir 18 km