Gaf Má ekki loforð um launin

Jóhanna Sigurðardóttir forsætisráðherra hefur engin loforð eða fyrirheit gefið um væntanleg launakjör Más Guðmundssonar seðlabankastjóra, enda slíkt ekki á færi ráðherra.

Þetta kemur fram í svari Hrannars Björns Arnarssonar, aðstoðarmanns Jóhönnu, við fyrirspurn Morgunblaðsins í gær.

Samkvæmt heimildum Morgunblaðsins var tillagan um launahækkunina lögð fram í bankaráði Seðlabankans til þess að efna loforð sem Má var gefið af forsætisráðherra.

Sjá nánar um þetta mál í Morgunblaðinu í dag.