Fréttastjóri hættur

Óskar Hrafn Þorvaldsson fréttastjóri Stöðvar 2 hefur látið af störfum. Brotthvarf hans tengist, að því er fram kemur á Vísi og RÚV, því að í gær dró fréttastofan til baka fréttir af meintum fjármagnsflutningum nafngreindra manna sem voru umsvifamiklir í atvinnulífinu í skattaskjól erlendis. 　

Óskar hefur sent frá sér eftirfarandi yfirlýsingu vegna málsins:

„Ég hef sagt upp sem fréttastjóri Stöðvar 2 og Vísis og tekur uppsögnin þegar gildi. Ástæðan er sú að fréttastofan birti frétt um meinta fjármagnsflutninga fjögurra íslenskra athafnamanna í júlí á síðasta ári, frétt sem við þurftum að leiðrétta og biðjast afsökunar á í gær. Á þessum mistökum ber ég ábyrgð og axla hana með uppsögninni.

Ég vil nota tækifærið og þakka frábæru samstarfsfólki á fréttastofu Stöðvar 2 og Vísis fyrir samstarfið á undanförnum árum. Þegar ég tók við starfi fréttastjóra í ágúst 2008 voru markmiðin tvö. Að ná upp áhorfi á fréttir og draga úr kostnaði. Áhorf hefur aukist um 40% og kostnaður dregist saman um 20%.

Virðingarfyllst,

Óskar Hrafn Þorvaldsson“

• 5 blogg um fréttina

Bloggað um fréttina

• Heimir Lárusson Fjeldsted: 300 milljónir fyrir að halda sig frá fjölskyldunni
• Torfi Kristján Stefánsson: Er maðurinn fífl?
• siggi: Já er hann Óskar hættur, en leiðinlegt !
• Guðrún Þóra Hjaltadóttir: Fréttastofan óháð eigendum ?
• Jóhann Elíasson: ÆTLA MENN ENN AÐ HALDA ÞVÍ FRAM AÐ EIGENDUR HAFI …