Jökullinn í öllu sínu veldi

Erlendir fjölmiðlar hafa verið duglegir að fjalla um eldgosið í Eyjafjallajökli og áhrif öskuskýsins á flug og ferðaáætlanir víða um heim. Á vef New York Times er fjallað um eldgosið út frá öðru sjónarhorni, en þar má sjá stórbrotið myndskeið eftir Sean Stiegemeier.

Stiegemeier myndaði jökulinn og gosið frá ýmsum sjónarhornum í byrjun maí, en í myndskeiðinu er allt leikið á miklum hraða sem leiðir til þess að sjónræn áhrif gossins og íslensk landslags verða mjög mikil.

Fram kemur á vef New York Times að Jón Þór Birgisson, söngvari Sigur Rósar, hafi á bloggsíðu sinni nýverið hvatt alla þá, sem jökullinn hafi haft áhrif á með einum eða öðrum hætti, til að njóta myndskeiðs Stiegemeiers.

En þess má geta að í myndskeiðinu notar Stiegemeier lagið Kolniður, sem er á nýrri sólóplötu Jónsa.

• 6 blogg um fréttina

Bloggað um fréttina

• Einhver Ágúst: Í augum úti!!
• Guðmundur Júlíusson: Jökullinn í öllu sínu veldi eftir Sean Stiegemeier
• Jóna Kolbrún Garðarsdóttir: Magnað myndband
• Njörður Helgason: Einstök mynd og tónlist.
• Eyþór Laxdal Arnalds: EY-ya-fyat-lah-YOH-kuht
• Jón Arnar: Fjölmiðlar segja eitt fólkið pælir í öðru