Segir braskað með auðlindir þjóðarinnar

Ögmundur Jónasson, þingmaður Vinstri grænna, segir stjórnvöld og Alþingi hafa brugðist, verði af kaupum kandadíska orkufyrirtækisins Magma Energy á 52% hlut Geysi Green í HS Orku.

Hann skrifar á bloggsíðu sína að verið sé að braska með auðlindir þjóðarinnar. Við því hafi oft verið varað.

„Sannast sagna hélt ég að Íslendingar hefðu lært sína lexíu. Nei. Svo er ekki. Samfélagið er bregðast sjálfu sér; ríkisstjórnin er að bregðast komandi kynslóðum í þessu máli. Við sem sitjum á Alþingi erum að bregðast sem löggjafi því við verjum ekki auðlindir þjóðarinnar gegn braski. Fjármálamenn eru líka að bregðast samfélagi sínu. Þeir ættu að sjá sóma sinn í því að hugsa á félagslega ábyrgan hátt; láta auðlindirnar í friði, ella verður ríkisstjórnin og sameinað Alþingi að bregðast við hart. Andvaraleysi í þessu máli er ekki valkostur,“ skrifar Ögmundur á bloggsíðu sína. 

Ögmundur Jónasson. mbl.is/Ómar

• 5 blogg um fréttina

Bloggað um fréttina

• Einar Þór Strand: Ögmundur drífa sig í að þjóðnýta!!!!
• Jóna Kolbrún Garðarsdóttir: Við sem þjóð verðum að snúast til varnar
• Heimir Hilmarsson: Hann stendur með sannfæringu sinni
• Guðmundur Jónas Kristjánsson: Braskað með auðlindir þjóðarinnar undir stjórn vinstrimanna !
• Ómar Geirsson: Loksins sér Ögmundur Jónasson samhengi hlutanna.