Erfitt getur orðið fyrir slitastjórn Kaupþings að sækja greiðslu til Hreiðars Más Sigurðssonar, fyrrverandi bankastjóra Kaupþings, vegna 5,8 milljarða láns sem hann tók til hlutabréfakaupa í bankanum.

Ástæðan er sú að viðskiptin fóru fram í nafni einkahlutafélags sem Hreiðar Már stofnaði árið 2006. Erfitt er að rifta gjörningi svo langt aftur í tímann. Sigurður Einarsson, stjórnarformaður bankans, var hins vegar með lánin á sinni kennitölu.

Nokkuð mismunandi er hvernig gengið var frá lánum helstu starfsmanna Kaupþings vegna hlutabréfakaupa. Sigurður Einarsson, Ingólfur Helgason, Magnús Guðmundsson, Steingrímur Kárason og Guðný Arna Sveinsdóttir eru í persónulegum ábyrgðum fyrir lánunum.

Nokkrir fluttu lán sín yfir í einkahlutafélög stuttu fyrir hrun. Þetta eru Ingvar Vilhjálmsson, Hannes Frímann Hrólfsson og Guðni Níels Aðalsteinsson. Það sama á við um Kristján Arason og Bjarka Diego sem stofnuðu eignarhaldsfélög um viðskiptin 2007 og 2008.

Tengdar fréttir

Rannsókn sérstaks saksóknara

Ríkinu gert að greiða 1,4 milljónir

• 25 hrunmál enn í gangi
• Sterling-málið á dagskrá eftir viku
• 19 hrunmál enn til skoðunar
• „Glaðir að 6 ára martröð sé lokið“

» Fleiri tengdar fréttir