Unglingar gátu keypt tóbak í 6 búðum

Forvarnarfulltrúi Hafnarfjarðar stóð nýlega fyrir könnun meðal sölustaða tóbaks í Hafnarfirði. Fóru tveir unglingar úr 10. bekk  á 22 sölustaði undir eftirliti starfsmanna Hafnarfjarðarbæjar og reyndu að kaupa sígarettur. 6 sölustaðir seldu unglingunum tóbak.

Fram kemur á heimasíðu Hafnarfjarðar, að ekki var farið inn á staði með vínveitingaleyfi þar sem tóbak er selt.  Búast má við því að þeir staðir sem seldu börnum tóbak fái áminningu eins og kveður á um í lögum um tóbaksvarnir.

Meirihluti sölustaða í Hafnarfirði hefur gert sérstakt samkomulag við forvarnarnefnd sem miðar að því að leita allra leiða til að koma í veg fyrir sölu tóbaks til barna. Í mars í fyrra seldu 32% sölustaða unglingunum tóbak.
 
 

• 1 blogg um fréttina

Bloggað um fréttina

• Þóra Guðmundsdóttir: Búast má við áminningu.