Skattar eiga að hækka um 11 milljarða
Setja bókamerki
Ellefu milljarðar króna eiga að fást með aukinni skattheimtu á næsta ári, að því er kom fram í fréttum Útvarpsins. Vinnur fjárlagahópur á vegum ríkisstjórnarinnar nú tillögur um að hækka hátekjuskatt, auðlegðarskatt og orkuskatt á stjóriðju.
Björn Valur Gíslason, varaformaður fjárlaganefndar Alþingis, sagði að fjárlagahópurinn setji sér það markmið að hagræða um 40-45 milljarða króna í ríkisrekstrinum á næsta ári. Stærsti hlutinn af þessu verði rekstrarmegin, líklega á bilinu 70-75% af upphæðinni.
Fjórðungur, eða tíu til ellefu milljarðar króna, eiga að fást með auknum sköttum. Ekki standi þó til að leggja nýja skatta á fólk eða fyrirtæki, heldur eigi að reyna að ná meira út úr þeim sköttum sem teknir voru upp í fyrra, einkum orkuskatti á stóriðju, hátekjuskatti og auðlegðarskatti.
Máttu ekki auglýsa „mesta úrvalið“ og „besta verðið“
Fundaði með starfsfólki í fjóra tíma í gær
„Átti von á fleiri útköllum“
„Svindlherferðir eru að færast í aukana“
Þungt ástand í margar vikur vegna RS-veiru
Ríkisstjórnin ekki beint á leiðinni í jólafrí