Hópslagsmál í Hafnarstræti
Setja bókamerki
Lögreglan á höfuðborgarsvæðinu þurfti að hafa afskipti af hópslagsmálum í Hafnarstræti upp úr klukkan fimm í dag. Voru þar komnir saman um 20 fjórtán til sextán ára gamlir strákar. Einn þurfti að leita aðstoðar á slysadeild, en hann varð fyrir spörkum og fékk auk þess stuð úr rafstuðtæki sem ólöglegt er hér á landi. Þá voru einhverjir strákanna vopnaðir kylfum.
Hinn slasaði fór sjálfur upp á slysadeild, en lögreglan er búin að ræða við bæði hann og foreldra hans. Einn var handtekinn og er búið að boða tvo til viðbótar til yfirheyrslu, en lögreglan hefur rætt við flesta strákanna og foreldra þeirra. Ástæða slagsmálanna mun hafa verið samskipti sem fóru um msn-samskiptaforritið.
Slagsmálin áttu sér stað fyrir utan Kaffi Rót í Hafnarstræti, og hringdu sjónvarvottar á lögregluna.
Vegirnir voru eins og borðstofuborð
77 ár á milli þess elsta og yngsta
Dregið úr gosóróa
Gasmengun gæti borist yfir höfuðborgarsvæðið
Flestir sem hvergi finnast koma frá Sómalíu
Hulda saksóknari: „Tökum þetta ekki til greina“
„Höfum sloppið bærilega með skaða af þessu gosi“
Ökumaður í símanum valdur að umferðarslysi