RÚV: Þriggja milljarða leitað
Setja bókamerki
Yfirvöld rannsaka nú hvort þrír milljarðar króna sem virtust hafa gufað upp í Panama, hafi ratað aftur hingað til lands. Grunur leikur á að Pálmi Haraldsson í Fons, hafi lokað flókinni viðskiptafléttu með því að koma fénu í hendur viðskiptafélaga sinna. Þetta kom fram í kvöldfréttum Sjónvarpsins.
Þrotabú Fons, sem áður var hryggjarstykkið í viðskiptaveldi Pálma
Haraldssonar, hefur enn ekki séð tangur né tetur af þremur milljörðum
króna sem síðast fréttist af í skúffufyrirtæki í Panama árið 2007. Féð
fór þangað suður í gegnum Landsbankann í Lúxemborg en var síðan fært
niður í bókum Fons fyrir hrun, rétt eins og það væri glatað.
Þrotabú Fons hefur litla hugmynd um hvað varð af milljörðunum þremur. En fleiri vilja kortleggja viðskipti Pálma Haraldssonar. Yfirvöld hér heima telja sig vera komin á slóð milljarðanna þriggja. Þau telja féð hafa ratað aftur heim, ef svo má segja. Ekki endilega aftur í vasa Pálma, heldur miklu frekar í vasa viðskiptafélaga hans. Líklegast þeirra sömu og slitastjórn Glitnis skilgreindi nýlega sem klíku sem rænt hafi bankann innan frá, samkvæmt frétt RÚV í kvöld.
Erlendir miðlar greina frá tíunda gosinu
Hvað gerðist eiginlega í VMA?
Gosið gæti varað lengur: Meiri fyrirstaða í gosrásinni
Beint: Eldgos hafið við Stóra-Skógfell
Átti ekki að láta pirring bitna á sjúklingi
Einar skorar á næstu ríkisstjórn