„Við höfum boðið skattrannsóknarstjóra alla okkar aðstoð en það er ekki okkar hlutverk að vera í skattrannsóknum,“ segir Árni Tómasson, formaður skilanefndar Glitnis.

Stefán Skjaldarson skattrannsóknarstjóri sagði í viðtali í maítölublaði Tíundar, fréttablaði ríkisskattstjóra, að ekki ein einasta ábending hefði borist embættinu frá skilanefndum að frumkvæði þeirra. Þá hefði gengið erfiðlega að fá gögn, þau hefðu borist seint og gjarnan verið svo óaðgengileg að þau hefðu ekki komið að gagni.

„Við erum fyrst og fremst að innheimta kröfur,“ segir Árni en kveður nefndirnar að lögum skyldugar til að láta rétt yfirvöld vita vakni grunur um refsiverða háttsemi. Þar sem skilanefndirnar hafi ekki aðgang að upplýsingum um skattgreiðslur og fleira sé því sem næst ómögulegt fyrir þær að leiða skattabrot í ljós.

Tengdar fréttir

Rannsókn sérstaks saksóknara

Ríkinu gert að greiða 1,4 milljónir

• 25 hrunmál enn í gangi
• Sterling-málið á dagskrá eftir viku
• 19 hrunmál enn til skoðunar
• „Glaðir að 6 ára martröð sé lokið“

» Fleiri tengdar fréttir