Þýsk flugsveit komin

Flugsveit frá þýska flughernum sinnir  loftrýmisgæslu Atlantshafsbandalagsins hér á landi frá 7.-25. júní. Notaðar eru sex F-4 orrustuþotur og komu þær til Keflavíkurflugvallar um hádegisbil í dag.

Um 140 liðsmenn þýska flughersins verða  á Íslandi vegna verkefnisins. Þetta er í fyrsta sinn sem Þjóðverjar sinna loftrýmisgæslu hér á landi en sveitin er hér stödd í boði íslenskra stjórnvalda og starfar í samræmi við loftrýmisgæsluáætlun Atlantshafsbandalagsins fyrir Ísland.

Fyrstu vikuna munu orrustuþoturnar æfa lendingar á Keflavíkurflugvelli og aðflug að Akureyrarflugvelli og Egilsstaðaflugvelli.

• 4 blogg um fréttina

Bloggað um fréttina

• Njörður Helgason: Hægt að vakna af dvalanum.
• Guðjón Sigþór Jensson: Óþarfa bruðl
• Axel Jóhann Hallgrímsson: Þar kom að því.
• Anna Sigríður Guðmundsdóttir: Ég er sátt við þetta. Ekkert land er eyland, sem …