Vegurinn í Þórsmörk opnaður

Almannavarnir hafa ákveðið að aflétta lokun, sem verið hefur á veginum í Þórsmörk.

Sett voru í gær upp skilti á leiðinni í Þórsmörk í nágrenni Gígjökuls þar sem varað er við hugsanlegri hættu í lónstæði Gígjökuls. Þar geta myndast eitraðar gastegundir og kviksyndi en auk þess getur verið hætta á hruni úr jöklinum og skyndilegu vatnsflóði.

Vegagerðin hefur unnið að lagfæringu á veginum undanfarna daga. Vegfarendur um Þórsmerkurveg eru beðnir um að sýna varúð þegar þeir fara um svæðið.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Illa gerður vegur inn í Þórsmörk
• Sigurður Haraldsson: Farið varlega.