Ekki hætta á flúoreitrun

Lítil hætta er á flúoreitrun frá ösku sem kom úr Eyjafjallajökli. Þetta má lesa út úr niðurstöðum á efnagreiningum flúors í gróðursýnum sem tekin voru 26. maí s.l.

Samkvæmt sýnunum er ekki ástæða til þess að óttast flúormengun í gróðri eins og staðan er. Þolmörk nautgripa og sauðfjár eru 30-40 mg/kg F þurrefnis og 70-100 mg/kg F þurrefnis hjá sauðfé, að því er kemur fram á vef Bændablaðsins.

Öll sýnin eru vel undir þolmörkum sauðfjár. Sýni á Raufarfelli er við þolmörk nautgripa og hrossa og eina sýnið sem er yfir þeim er frá Efstu-Grund. Það var hins vegar mjög lítið sýni og verður að taka niðurstöðum þess með fyrirvara.

Samkvæmt þessu er ekki ástæða til þess að halda búfénaði inni vegna hættu á flúoreitrun.

• 1 blogg um fréttina

Bloggað um fréttina

• Torfi Kristján Stefánsson: Frekar klénar upplýsingar!