Tæmdu viðgerðasjóð áður en félagið fór í þrot

Fyrrverandi eigendur Apple-umboðsins á Íslandi héldu ekki til haga upphæð sem hið alþjóðlega Apple-fyrirtæki hafði greitt með hverri seldri tölvu hér á landi og nota átti til að greiða fyrir viðgerðir á tölvunum.

Fyrirtækið Humac, sem var söluaðili Apple á Norðurlöndum, fór í þrot í lok árs 2008, en stærsti eigandi Humac á þeim tíma var Stoðir Invest, sem voru í eigu nokkurra af stærstu hluthöfum Baugs Group.

Þegar Skakkiturn ehf. keypti verslanir Apple á Íslandi uppgötvaðist að áðurnefndur viðgerðasjóður var tómur, en upphæðirnar sem greiddar voru í sjóðinn áttu að duga fyrir árs ábyrgð á seldum tölvum.