Munaður í höfn

Nýjasta skipið í skipaflota Yachts of Seabourn lagðist að Skarfabakkasnemma  í morgun en skipið lagði í jómfrúarferð sína á sunnudag eftir að hafa fengið nafnið Sojourn við hátíðlega athöfn á föstudag, frá guðmóður sinni Twiggy.
Var tekið á móti skipinu með  viðhöfn hér, Lóðsar frá Faxaflóahöfn mynduðu vatnsboga þegar skipið sigldi inn og hljómsveit lék á hafnarbakkanum.

Skipið er 32 þúsund tonn og tekur 450 farþega. Í tilkynningu frá aðstandendum kemur fram að farþega um borð muni ekki skorta neitt þegar kemur að lúxus því um borð í skipinu sé vel búið Spa sem nær yfir tvö þilför, góðir veitingastaðir, bókasafn, verslanir, vel búin tölvuherbergi og kaffihús svo eitthvað sé nefnt.  Það eru tvær sundlaugar ásamt sex heitum pottum og á efsta þilfarinu er níu holu mini golfvöllur.

Gestir um borð í skipinu munu í dag fara í skoðunarferðir á Íslandi og m.a. kynnast víkingahefðum í Guðmundarlundi í Kópavogi. Skipið heldur síðan áfram ferð sinni með viðkomu í Heimaey á morgun. Það eru Iceland Travel og Truenorth sem sjá um móttöku skipsins og hátíðarhöld fyrir gestina.

• 2 blogg um fréttina

Bloggað um fréttina

• Haraldur Haraldsson: Munaður í höfn////76 skemtiferðaskip munu koma her i sumar gott …
• Halldór Sigurðsson: Fjallkona tók á móti bátnum - myndir