Gult spjald á nýjan meirihluta
Setja bókamerki
Hópur Hafnfirðinga sem mótmælir því sem þeir kalla lítilsvirðingu við kjósendur í bænum hefur sent frá sér fréttatilkynningu þar sem nýjum meirihluta Hafnarfjarðarbæjar er gefið „gula spjaldið“ og skorað á hann að auglýsa starf bæjarstjóra þegar í stað svo ráða megi í starfið á faglegum forsendum. Hin ætlaða lítilsvirðing felst í því að ráða Lúðvík Geirsson bæjarstjóra að nýju þrátt fyrir að hann hafi ekki náð sæti í bæjarstjórn í liðnum kosningum.
Tæplega þúsund manns eru meðlimir hópsins á samskiptasíðunni Facebook.
Í tilkynningunni segir að fjárhagsstaða bæjarins sé með því alversta sem þekkist og því sé löngu tímabært að kjörnir bæjarfulltrúar snúi bökum saman og velji hag bæjarbúa fram yfir eigin hagsmuni.
Í tilkynningunni segir ennfremur:
„Þeir bæjarfulltrúar sem hafna ofangreindum ábendingum verða endanlega rúnir öllu trausti meirihluta bæjarbúa og munu í kjölfarið fá RAUÐA SPJALDIÐ. Að okkar mati ber þeim einfaldlega að víkja úr bæjarstjórn á sama hátt og knattspyrnumenn á HM verða að víkja af leikvelli fyrir ítrekuð brot á leikreglunum.“
Efnt verður til mótmæla í miðbæ Hafnarfjarðar á morgun.
Úlfar: Heppileg tímasetning á gosinu
Litlar líkur á að hraunið nái til mannvirkja
Mjög alvarlegt ef Njarðvíkuræð gefur sig
Yfir 300 stæði fóru undir hraun
Fullvissa ferðamenn um að hér sé öruggt
Líklega komin á seinni hluta hrinunnar í Svartsengi