Margir skoðuðu villt blóm í Laugarnestanga

Hjörtur Þorbjörnsson, safnvörður Grasagarðs Reykjavíkur, gekk um Laugarnestanga í Reykjavík með fólki og fræddi það um gróðurfar, en í dag er Dagur hinna villtu blóma.

Margir lögðu leið sína í Laugarnestangann og hlustuðu á Hjört segja frá þeim fjölbreytta gróðri sem vex í tanganum.

Flóruvinir standa fyrir degi hinna villtu blóma, og veita leiðsögn sem sjálfboðaliðar. Ýmsar stofnanir hafa stutt og staðið  með flóruvinum að þessum degi, meðal annarra Grasagarðurinn í Laugardal, Ferðafélag Íslands, Hólaskóli, Landbúnaðarháskóli Íslands, Náttúrufræðistofa Kópavogs, Náttúrufræðistofnun Íslands, Náttúrufræðistofur landshlutanna og Umhverfisstofnun.

 Dagur hinna villtu blóma hefur síðan 2004, þegar Íslendingar bættust í hópinn,  verið haldinn á öllum Norðurlöndunum ásamt Færeyjum og Grænlandi.

• 2 blogg um fréttina

Bloggað um fréttina

• Þorsteinn H. Gunnarsson: Baldursbrá
• Jóhann Elíasson: Skoða villt blóm Í Laugarnestanga?????????