„Verkefnið er að takast“

„Verk­efnið er á góðri leið með að tak­ast,“sagði Stein­grím­ur J. Sig­fús­son fjár­málaráðherra í ræðu á Alþingi í kvöld þegar hann lýsti þeim erfiðleik­um í efna­hags­mál­um sem rík­is­stjórn­in hefði þurft að tak­ast á við. Hann sagði að staða efna­hags­mála væri betri en spáð hefði verið.

Stein­grím­ur sagði að þegar rík­is­stjórn­in tók við hefðu ýms­ir talað um hættu á þjóðar­gjaldþroti og greiðslu­falli. Slíkt tal heyrðist ekki leng­ur enda ekki ástæða til.

Stein­grím­ur sagði að því hefði verið spáð að lands­fram­leiðsla á síðasta ári yrði um 1.400 millj­arðar en nú væri ljóst að hún hefði verið um 1.500 millj­arðar. Því hefði verið spáð að hag­vöxt­ur myndi drag­ast sam­an um 10%, en í reynd hefði sam­drátt­ur­inn orðið 6,5%. Fjár­lög í fyrra gerðu ráð fyr­ir halla upp á 12,6% en nú stefndi í að hall­inn yrði 9%. Spáð hefði verið 10% at­vinnu­leysi í fyrra en það hefði orðið 8-9%. At­vinnu­leysi í apríl og maí á þessu ári væri minna en það hefði verið í sömu mánuðum í fyrra.

Stein­grím­ur benti á að á síðustu tveim­ur árs­fjórðung­um (síðasta árs­fjórðungi síðasta árs og fyrsta árs­fjórðungi þessa árs) hefði lands­fram­leiðsla auk­ist. Af­gang­ur á vöru­skipt­um í síðasta mánuði hefði verið 17 millj­arðar. „Það mun­ar um minna,“ sagði Stein­grím­ur.

Stein­grím­ur sagði að ef ekki hefði komið til eld­gos og hestapest þá hefði  lík­lega orðið hag­vöxt­ur á þessu ári.

Stein­grím­ur sagði að minnka þyrfti halla á rík­is­sjóði um 43 millj­arða á næsta ári. 11 millj­arðar yrði aflað með sér­tækri tekju­öfl­un og skorið yrði niður um 32 millj­arða.

• 13 blogg um frétt­ina

Bloggað um frétt­ina

• Sig­urður Jóns­son: Stein­grím­ur J. og Lúðvík bæj­ar­stjóri brand­ara­karl­ar vik­unn­ar.
• Ingi­björg Guðrún Magnús­dótt­ir: Já al­veg að tak­ast Stein­grím­ur...
• Sig­urður Sig­urðsson: Verk­efnið að tak­ast ?
• Viggó Jörgens­son: Á þriðju milj­ón á mánuði.
• Sig­ríður Lauf­ey Ein­ars­dótt­ir: Hvað er að tak­ast - er Stein­grím­ur í gler­húsi?
• Gunn­ar Heiðars­son: Enn jafn blind­ur á vanda­málið!
• Axel Jó­hann Ax­els­son: Byrja á að spá öllu illu - hæl­ast svo af …
• Sig­urður Har­alds­son: Halló!
• Jó­hann­es Ragn­ars­son: Sko minn kall Three Horses
• Jón Aðal­steinn Jóns­son: Eld­hús­dagsum­ræður í hnot­skurn
• Guðrún María Óskars­dótt­ir.: Hvaða verk­efni er að tak­ast Stein­grím­ur ?
• Hlyn­ur Jör­unds­son: Hvaða verk­efni þitt ? Þjóðar­gjaldþrot eða stétt fá­tæk­ling í vist­a­bönd­um …
• Ein­ar Guðjóns­son: Sáuði hvernig ég tók þá ?