Viðskiptaráðuneytið segir að mál sem varði lögmæti gengistryggðra lána varði fyrst og fremst aðila máls en hafi einnig almenn áhrif á viðskipti fjármálafyrirtækja og lántakenda. Stjórnvöld hafi fylgst náið með ferli þessara dómsmála og hafi látið greina möguleg áhrif niðurstaðna Hæstaréttar.

Þetta kemur fram í tilkynningu frá efnahags- og viðskiptaráðuneytinu, sem er eftirfarandi:

„Hæstiréttur hefur kveðið upp dóma  í málum er varða lögmæti gengistryggðra lána. Þessi mál varða fyrst og fremst aðila máls en hafa einnig almenn áhrif á viðskipti fjármálafyrirtækja og lántakenda.

Stjórnvöld hafa fylgst náið með ferli þessara dómsmála og hafa látið greina ítarlega áhrif mögulegra niðurstaðna Hæstaréttar.  Ákvarðanir um aðgerðir af hálfu stjórnvalda verða teknar á grundvelli þessarar greiningar. 

Nánar verður skýrt frá þeim ákvörðunum á allra næstu dögum og í framhaldi af umfjöllun ríkisstjórnarinnar og að höfðu víðtæku samráði um málið.“

Tengdar fréttir

Dómur Hæstaréttar um gengislán

Lýsing endurreiknar í kjölfar dóma

• Lýsing tapaði þremur málum í héraði
• Íhuga sektir vegna tafa
• Færri prófmál en boðað var
• Ofmeti ekki gengisdóma

» Fleiri tengdar fréttir

• 2 blogg um fréttina

Bloggað um fréttina

• Magnús Helgi Björgvinsson: Hvernig verður þetta í framkvæmd?
• Marinó G. Njálsson: Almenningur á inni afsökunarbeiðni frá stjórnvöldum