Fjölmenni í Esjugöngu

Andinn var góður hjá gönguhópnum á vegum Ferðafélags Íslands sem gekk Esjuna í kvöld til að verða vitni að sumarsólstöðunum. Hátt í 80 manns gengu fjallið en ekki fóru allir á tindinn, að sögn Þórðar Marelssonar fararstjóra.

Aðspurður hvort þetta sé árviss viðburður segir Þórður svo ekki vera. Iðulega hafi verið gengið á Snæfellsjökul á vegum Ferðafélags Íslands þennan dag ársins. Ganga á Esjuna sé hins vegar nýmæli.

Hópurinn sem gekk Esjuna að þessu sinni var á vegum TM en fyrirtækið bauð viðskiptavinum sínum í gönguna.

Boðið er upp á heitt kakó við Esjurætur að göngunni lokinni.

Hluti hópsins sem gekk Esjuna í kvöld. mbl.is

• 1 blogg um fréttina

Bloggað um fréttina

• S i g u r ð u r S i g u r ð a r s o n: Þverfellshorn í Esju er ekki tindur