Hálfur milljarður í sektir

Á grundvelli mynda úr tíu stafrænum hraðamyndavélum sem staðsettar eru á völdum stöðum á landsbyggðinni voru gefnar út sektir fyrir um 500 milljónir króna í fyrra og af þeim innheimtust um 400 milljónir, samkvæmt upplýsingum frá ríkislögreglustjóra.

Hraðakstursbrot sem myndvélarnar skrásetja eru um 40% af öllum umferðarlagabrotum í landinu.

Það vekur athygli að erlendir ökumenn bílaleigubíla skildu eftir sig ógreiddar hraðasektir fyrir um 50 milljónir króna í fyrra.

Langflestir fá sekt fyrir að aka á bilinu 96-110 kílómetra hraða á klukkustund.