Veikir Hamas-samtökin
Setja bókamerki
Sú ákvörðun Ísraelsstjórnar að aflétta hafnbanninu á Gaza að nær öllu leyti mun verða til þess að veikja Hamas-samtökin, samtök herskárra Palestínumanna, að mati Benjamin Netanyahu, forsætisráðherra Ísraels, sem fór yfir málið með öryggis- og utanríkismálanefnd Ísraelsþings í dag.
Fjallað er um málið á fréttavef ísraelska dagblaðsins Haaretz en þar er haft eftir Netanyahu að ákvörðunin um að heimila flutnings alls varnings sjóleiðina til Gaza, að frátöldum þeim sem tengist hernaði beint eða getur orðið Hamas að liði, hafi verið tekin í samvinnu við Bandaríkin og Tony Blair, formann Kvartettsins svonefnda í Mið-Austurlöndum.
Hafnbannið á Gaza hefur verið umdeilt af mannúðarástæðum og skellti Netanyahu skuldinni á fyrri Ísraelsstjórn, fullyrðing sem Tzipi Livni, leiðtogi stjórnarandstöðunnar, vísaði á bug.
Þá fullyrti Netanyahu að hann hefði látið framkvæma rannsókn um mitt síðasta ár á kostum og göllum þess að aflétta hafnbanninu á Gaza.
Um 1,5 milljón Palestínumanna býr á Gaza en hafnbannið hefur ýtt undir viðvarandi vöruskort á svæðinu.
Myndir: Grindavíkurvegur aftur undir hraun
Fullvissa ferðamenn um að hér sé öruggt
Hluti bílastæðis undir hraun: Ómögulegt að meta tjón
Mæðgur dæmdar til að greiða 64 milljónir
„Má segja að þetta gos hafi þjófstartað“
Mjög alvarlegt ef Njarðvíkuræð gefur sig
Virknin dregist saman um 600 metra
Hraunið við bílastæði Bláa lónsins