Fer að flæða yfir vegi í kvöld

Hlaupið í Skaftá vex mjög hratt og mun áin víða flæða yfir bakka sína, að sögn Snorra Zóph­ón­ías­son­ar, jarðfræðings hjá Veður­stofu Íslands. Hlaupið mun senni­lega ná há­marki á morg­un og gæti flæðið farið í 14-1500 rúm­metra á sek­úndu.

Snorri seg­ir að þar sem hlaupið frá í síðustu viku hafi enn staðið yfir séu ár­far­veg­ur­ir nú þegar full­ir og því ör­uggt að ein­hver flóð verði og að aur ber­ist upp á gróið land.

„Nú hleyp­ur úr stóra katl­in­um og þá mun flæða víða út fyr­ir far­vegi. Það mun koma mikið vatn í Eld­hraun, milli Kirkju­bæj­arklaust­urs og Ása.“

Þá seg­ir Snorri að senni­lega muni flæða yfir veg­inn inn í Eld­gjá, ekki mjög skyndi­lega en veg­ur­inn verði lík­lega ófær. „Ferðamenn sem eru stadd­ir þarna inn­frá gætu þurft að fara í gegn­um Land­manna­laug­ar til að kom­ast til byggða,“ og bæt­ir við að senni­lega flæði yfir veg­inn strax í kvöld.

• 1 blogg um frétt­ina

Bloggað um frétt­ina

• S i g u r ð u r S i g u r ð a r s o n: Hlaup ofan í hlaup