Þrír ákærðir í Exeter-málinu

Sérstakur saksóknari hefur gefið út ákærur á hendur þremur mönnum fyrir umboðssvik. Samkvæmt heimildum mbl.is eru hinir ákærðu Jón Þorsteinn Jónsson, fyrrverandi stjórnarformaður Byrs og Ragnar Zophonías Guðjónsson, fyrrverandi sparisjóðsstjóri. Þá er Styrmir Þór Bragason, fyrrverandi forstjóri MP banka, ákærður fyrir hlutdeild í broti þeirra Jóns og Ragnars.

Málin tengjast lánveitingum Byrs sparisjóðs til Exeter Holding og eru ákærurnar þær fyrstu sem embætti sérstaks saksóknara gefur út. 

Að sögn Ólafs Þórs Haukssonar, sérstaks saksóknara, eru rannsóknir á þónokkrum málum í gangi og sumar komnar lengra á veg en önnur. Þó geti hann ekki sagt til um hvenær næst megi búast við tíðindum hjá embættinu.

• 6 blogg um fréttina

Bloggað um fréttina

• Torfi Kristján Stefánsson: Loksins fyrstu ákærurnar
• Finnur Bárðarson: Látum kné fylgja kviði
• Sigurður Haraldsson: Flott.
• Axel Jóhann Axelsson: Kvörn réttvísinnar malar hægt, en örugglega
• Björn Birgisson: Gufaði Sigurður Einarsson upp?
• Sveinn Margeirsson og Rakel Gylfadóttir: Exeter Holdings - hverjir tóku þátt?