Þrír sigrar á EM í brids

Íslenska bridslandsliðið vann alla leiki sína þrjá á Evrópumótinu, sem nú stendur yfir í Oostende í Belgíu. Ísland vann fyrst Finnland, 19:11, þá Króatíu, 20:10 og loks Litháen, 23:7.

Ísland er efst í A-riðli með stig 317 stig. Ítalar hafa 308 stig og Frakkar 287.  Í B-riðli eru Svíar efstir með 309 stig, Pólverjar hafa 297 stig og Ísraelsmenn 290. 

Riðlakeppninni lýkur á morgun með þremur leikjum en þá spilar Ísland við Tyrkland, Serbíu og Líbanon. Níu efstu sveitirnar úr hvorum riðli halda áfram í úrslitakeppni þar sem liðin taka með sér stigin úr leikjunum við þau lið sem komast áfram og spila við sveitirnar úr hinum riðlinum. 

• 3 blogg um fréttina

Bloggað um fréttina

• Jens Guð: Íslendingar eru að rúlla upp Evrópumóti
• Halldór Jóhannsson: Þorlákur og ÉG:)
• Ólafur Ragnarsson: "Oostende skál"