95 fyrirtæki í þrot

Í maí voru 95 fyrirtæki tekin til gjaldþrotaskipta samanborið við 67 fyrirtæki í maí 2009, en það jafngildir tæplega 42% fjölgun milli ára. Eftir atvinnugreinum voru flest gjaldþrot í byggingarstarfsemi og mannvirkjagerð. Fyrstu fimm mánuði ársins 2010 er fjöldi gjaldþrota 453 sem er tæplega 10%

Í maí 2010 var 161 nýtt einkahlutafélag (ehf) skráð samanborið við 206 einkahlutafélög í maí 2009. Það jafngildir tæplega 22% fækkun milli ára. Einnig voru skráð 18 samlagsfélög (slf) í maí.

Heildarfjöldi nýskráðra einkahlutafélaga er því 749 fyrstu fimm mánuði ársins og hefur nýskráningum fækkað um tæplega 45% frá sama tímabili árið 2009 þegar 1.085 ný einkahlutafélög voru skráð, samkvæmt frétt á vef Hagstofu Íslands.

Eftir bálkum atvinnugreina voru flest einkahlutafélög skráð í fasteignaviðskipti en flest samlagsfélög voru skráð í heilbrigðis- og félagsþjónustu.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Sýnum þakklæti
• Haraldur Haraldsson: 95 fyrirtæki í þrot/í Mai 2010/hvað missa margir vinnu????