Tilkynnt um nakinn mann á puttanum

Margar tilkynningar bárust til lögreglunnar á Selfossi um helgina um aðfinnsluvert ökulag ökumanna. Annað tveggja var að akstur væri glæfralegur og hitt að ökutæki rásuðu á vegi. Lögreglumenn fóru því á milli staða að sinna margvíslegum verkefnum. Má þar nefna tilkynningu um nakinn mann á Suðurlandsvegi við Selfoss um kl. 19:00 gær þar sem hann var að húkka sér far.

Þegar lögreglumenn komu á staðinn var engan nakinn mann að sjá. Annað hvort hefur verið um gabb að ræða eða einhverjum vegfaranda litist vel á manninn og tekið hann upp, að því er segir í dagbók lögreglunnar á Selfossi.

Fimm ökumenn voru um helgina kærðir fyrir ölvunarakstur í umdæmi lögreglunnar á Selfossi og einn fyrir akstur undir áhrifum fíkniefna.

• 2 blogg um fréttina

Bloggað um fréttina

• Frikkinn: Hvaða putta var veifað ?
• Ómar Ragnarsson: Svar við gátunni um nakta manninn á puttanum.