Kríur réðust á branduglu

Brandugla fannst nær dauða en lífi í kríuvarpi í nágrenni við Rif á Snæfellsnesi s.l. mánudag. Uglan hafði gert sig líklega til þess að herja á kríuvarpið til þess að ná sér í eitthvað í svanginn en kríurnar gerðu harða atlögu að henni. Var hún nær dauða en lífi þegar Freydís Vigfúsdóttir, doktorsnemi við Háskólasetur Snæfellsnes, fann hana ásamt fylgdarliði.

Freyja tók brandugluna með sér á Náttúrustofu Vesturlands til aðhlynningar og eftir að hún hafði fengið æti að borða varð hún öll hressari. Henni verður sleppt aftur við Rif þegar hún hefur náð sér að fullu.

Heimasíða Náttúrustofu Vesturlands

• 2 blogg um fréttina

Bloggað um fréttina

• Sigurjón Benediktsson: Eru bara uglur á opinberu framfæri?
• Guðjón Sigþór Jensson: Rétt viðbrögð