Halda upp á jökulinn

Hópur vísindamanna heldur nú upp á Eyjafjallajökul í þeim tilgangi að taka sýni. Ármann Höskuldsson eldfjallafræðingur er með í för og hann segir í samtali við mbl.is að hópurinn verði kominn upp jökulinn um eittleytið. Þá flaug Magnús Tumi Guðmundsson jarðeðlisfræðingur yfir jökulinn í morgun.

„Við verðum inni á gígasvæðinu í allan dag,“ segir Ármann. Aðspurður segir hann að 12 séu með í för.

„Við erum að mæla nærsniðin til þess að geta borið þau saman við það sem er fjær. Þá erum við að tengja gjóskulögin í byggð við einingarnar uppi í gíg. Það er mikilvægt til að þekkja eðli gossins,“ segir Ármann.

Talsverðan gufustrók hefur lagt frá eldstöðinni í Eyjafjallajökli í morgun. Strókurinn er hvítur og sést vel á Suðurlandi. Lítil sem engin öskumyndun hefur verið í gígnum frá því í maí en gufu hefur lagt frá gígnum þar sem stöðuvatn hefur myndast.

Ekki hefur mælst aukin gosvirkni greinst á mælum.

• 1 blogg um fréttina

Bloggað um fréttina

• Haraldur Haraldsson: Halda upp á jökulinn/vonandi bara gufugos !!!,og ekki fara aftur …