Bongóblíða í borginni
Fólk naut blíðunnar á Austurvelli í dag.
mbl.is/GSH
Setja bókamerki
Veðrið lék við landsmenn á Suður- og Vesturlandi í dag. Borgarbúar fóru ekki varhluta af blíðunni, en þar fór hitinn upp í 20 stig. Sannkölluð bongóblíða. Skal því engan undra að fjölmargir hafi lagt leið sína í miðbæinn til þess að sleikja sólina, sýna sig og sjá aðra.
Ferðahugur er einnig í landsmönnum sem eru á ferð og flugi þessa helgina. Víða eru skemmtanir í fullum gangi, m.a. Húnavaka á Blönduósi og Bryggjusöngur á Stokkseyri svo örfá dæmi séu nefnd.
Það var einnig fjör á Flúðum í dag. Ragnar Magnússon, bóndi í Birtingaholti, og Ísólfur Gylfi Pálmason, fráfarandi sveitastjóri í Hrunamannahreppi, nutu sín í blíðunni, þar sem fjölskylduskemmtun var í fullum gangi.
Djassgeggjarar og aðrir góðir gestir hlustuðu á ljúfa tóna á tónleikum við Jómfrúna.
mbl.is/GSH
Barn lést í árásinni
Ný ríkisstjórn kynnt á morgun
„Þetta er ríkisstjórn almannahagsmuna“
Var engin kristnitaka árið 1000?
„Mér finnst gamla Samfylkingin komin aftur“
Bjarni: „Útilokað að þetta geti gengið upp“
