Góð stemmning á Stokkseyri

Gríðarleg stemmning var í gærkvöld á Bryggjusöng á Stokkseyri. Múgur og margmenni var á Stokkseyrarbryggju á fjölskylduskemmtun Bryggjuhátíðarinnar.

Fram kemur á vef Stokkseyrar að skemmtunin sé hápunktur Bryggjuhátíðarinnar en þar hafi m.a. verið bryggjusöngur með Árna Johnsen við varðeld í fjörunni.

Hverfin á Stokkseyri voru með skemmtiatriði hvert um sig. Á eftir var svo Bændaball á bryggjunni með hljómsveitinni Granít frá Vík í Mýrdal.

Í dag, laugardag, verður markaðsdagur í Lista- og menningarverstöðinni, sandkastalakeppni við Stokkseyrarbryggju og hverfakeppni í knattspyrnu og dansleikir á Draugabarnum og Kaffi Sól svo fátt eitt sé nefnt.

Hátíðinni lýkur síðdegis á morgun, sunnudag.

• 1 blogg um fréttina

Bloggað um fréttina

• Hecademus: Árni á útihátíð