Ráðherra friðar Gljúfrastein

Katrín Jakobsdóttir, mennta- og menningarmálaráðherra, hefur ákveðið að fenginni tillögu húsafriðunarnefndar að friða Gljúfrastein í Mosfellsbæ. Friðunin nær til ytra byrðis hússins. Gljúfrasteinn var heimili og vinnustaður Halldórs Laxness og fjölskyldu hans um hálfrar aldar skeið.

Íslenska ríkið keypti húsið árið 2002, þegar öld var liðin frá fæðingu skáldsins, og tveimur árum síðar var það opnað almenningi.

Húsið er safn Halldórs Laxness þar sem heimili og vinnustaður hans eru látin haldast óbreytt. Stærstu vistarverurnar eru stór stofa á jarðhæð og skrifstofa Halldórs á annarri hæð. Þar er bókasafn hans varðveitt svo og vinnupúltið sem hann stóð gjarnan við.

Gljúfrasteinn var reistur árið 1945 og arkitekt hússins var Ágúst Pálsson.

• 4 blogg um fréttina

Bloggað um fréttina

• Sigurður Haraldsson: Hvað?
• Axel Jóhann Hallgrímsson: Landsins ljótasta hús.
• Björn Finnbogason: Litla dúllan að gera það sem hún ræður við :-D
• Hecademus: "Allt fer á hausinn hjá því opinbera, nema skattstofan"