Beaty svarar Björk

Ross Beaty, forstjóri kanadíska orkufyrirtækisins Magma Energy, og Björk Guðmundsdóttir, tónlistarmaður, hafa síðustu daga átt í einskonar ritdeilu á vef blaðsins Reykjavik Grapvine. Í dag birtir vefurinn langa grein frá Beaty þar sem hann svarar spurningum, sem Björk hefur birt á vef sínum um kaup Magma á HS Orku.

Beaty segir m.a., að neikvæð viðbrögð Íslendinga við fjárfestingum Magma hafi valdið honum vonbrigðum og segist telja þau byggð á röngum upplýsingum.

„Við hjá Magma ætlum að byggja upp gott fyrirtæki sem byggir á vinnslu hreinnar orku með aðstoð frábærra íslenskra verkfræðinga og tæknimanna og ætlum að vera til fyrirmyndar á Íslandi í langan tíma. Við studdum stolt þátttöku íslenskra íþróttamanna á vetrarólympíuleikunum í Vancouver og vonumst til að geta haldið áfram að styðja Ísland og tengsl Íslands og Kanada í framtíðinni," segir Beaty.

Grein Beatys á vef Grapevine

• 4 blogg um fréttina

Bloggað um fréttina

• Egill Arnar Rossen: Bisnessmaður dauðans af lífi og sál
• Ægir Óskar Hallgrímsson: Ekki rétt!!
• Guðbjörn Jónsson: Undarlegur ertu Ross Beaty
• Páll Vilhjálmsson: Raðbraskari telur Íslendinga auðvelda bráð