Sækir veikan sjómann

TF-LÍF, þyrla Landhelgisgæslunnar, fór í loftið klukkan 21.24 í kvöld til að sækja veikan íslenskan sjómann um borð í togara sem var norðvestur af Látrabjargi. Beiðni um að sækja manninn barst fyrr í kvöld og var togaranum siglt í átt til lands. Hann var um 53 sjómílur frá landi er kallið barst.   

Hjá Landhelgisgæslunni fengust þær upplýsingar að yfirleitt væri venjan sú að togarar hífðu upp veiðarfæri og sigldu rakleiðis til lands þegar mál af þessu tagi kæmu upp. 

• 1 blogg um fréttina

Bloggað um fréttina

• Sindri Karl Sigurðsson: Eins gott að ekki var um lengri veg að fara