Ný hreppsnefnd í Reykhólahreppi
Setja bókamerki
Kosningar í Reykhólahreppi fóru fram í dag og liggur fyrir hverjir munu skipa hreppsnefndina á kjörtímabilinu. Eins og kunnugt er voru kosningarnar 29. maí úrskurðaðar ógildar og þurfti því að kjósa á nýjan leik.
Aðalmenn í nýrri hreppsnefnd samkvæmt kosningunum í dag eru þau Andrea Björnsdóttir, Eiríkur Kristjánsson, Ásta Sjöfn Kristjánsdóttir, Sveinn Ragnarsson og Gústaf Jökull Ólafsson. Andrea Björnsdóttir fékk flest atkvæði, eða 106 í heildina, að því er fram kemur á vef Reykhólahrepps, reykholar.is. Eiríkur kom næstur með 103 atkvæði.
Kjörsóknin í dag var heldur betri en í vor, eða 64,4%. Í kosningunum í maí og í kosningunum fyrir fjórum árum var kjörsóknin í báðum tilvikum 62%. Hátt í fimmtíu manns fengu atkvæði í sæti aðalmanna í kosningunum í dag.
Á vef hreppsins hafa nú verið birt nöfn varamanna í hreppsnefnd, samkvæmt niðurstöðum kosninganna. Þeir eru Eggert Ólafsson, Björn Samúelsson, Vilberg Þráinsson, Áslaug Guttormsdóttir og Guðrún Guðmundsdóttir.
Tekist á um áður óþekkta skýrslu landlæknis
Einar skorar á næstu ríkisstjórn
Á algjöru frumstigi eftir þrjár vikur af verkfalli
Búseta skortir byggingarlóðir
Beint: Eldgos hafið við Stóra-Skógfell
Spara stórfé með olíukaupum ytra
Bergur er fallinn
Sparnaður heimila vex meira en áður var talið