Neyðum enga til aðildar

„Menn verða að vilja fá aðild að Evr­ópu," sagði Pier­re Lellouche, Evr­ópu­málaráðherra Frakka í morg­un en ráðherr­aráð Evr­ópu­sam­bands­ins samþykkti í morg­un að hefja aðild­ar­viðræður við Ísland. Gert er ráð fyr­ir að viðræðurn­ar hefj­ist form­lega með ríkjaráðstefnu Íslands og Evr­ópu­sam­bands­ins í Brus­sel í morg­un.

Á fund­in­um var samþykkt ramm­a­áætl­un um samn­ingaviðræðurn­ar við Íslend­inga. En Lellouche sagði við AFP frétta­stof­una, að skoðanakann­an­ir á Íslandi bentu ekki til þess, að Íslend­ing­ar séu sér­lega já­kvæðir í garð Evr­ópu­sam­bands­ins. 

„Við styðjum heils hug­ar, að sjálf­sögðu, að Ísland fái aðild. En sú aðild verður háð sömu skil­urðum og aðrar þjóðir hafa geng­ist und­ir - og því skil­yrði að Íslend­ing­ar vilji þetta sjálf­ir. Við neyðum enga til aðild­ar," sagði   Lellouche  og brosti. 

AFP hef­ur eft­ir ónafn­greind­um hátt­sett­um evr­ópsk­um sendi­manni, að fleiri ríki Evr­ópu­sam­bands­ins séu sam­mála þess­ari skoðun og spyrji sig hvers vegna fram­kvæmda­stjórn Evr­ópu­sam­bands­ins liggi svona á að fá Ísland inn í sam­bandið. 

• 1 blogg um frétt­ina

Bloggað um frétt­ina

• Guðni Karl Harðar­son: Hverj­ir neyða hvern?