Vilja halda í malarveginn

Flestir ferðamenn á Kili vilja halda Kjalvegi í svipuðu ástandi og hann er nú, hafa áfram malarveg og ekki byggja hann upp.

Aðeins fimmtungur vill bæta veginn. Erlendir ferðamenn eru eindregnari í andstöðu sinni við vegabætur en íslenskir, að því er segir í Morgunblaðinu í dag.

Kemur þetta fram í niðurstöðum skýrslu Önnu Dóru Sæþórsdóttur um ferðamennsku á Kili þar sem leitað var álits ferðafólks á aðstöðunni.