Breytir engu í grundvallaratriðum
Setja bókamerki
„Þetta kemur mér í sjálfu sér ekki á óvart. Ég sé ekki að þetta breyti stöðunni í neinum grundvallaratriðum,“ segir Steingrímur J. Sigfússon, fjármálaráðherra, í samtali við mbl.is spurður út í svör framkvæmdastjórnar Evrópusambandsins (ESB) við fyrirspurn norska fréttavefsins ABC Nyheter um ríkisábyrgð á innistæðutryggingum.
Í svari framkvæmdastjórnarinnar kom fram að engin ríkisábyrgð væri á bankainnistæðum samkvæmt tilskipun ESB um innistæðutryggingar. Hins vegar var því haldið fram að annað gilti um Ísland, m.a. vegna þess að tilskipunin hafi ekki verið innleidd á fullnægjandi hátt hér á landi á sínum tíma.
„En að öðru leyti vil ég ekki tjá mig um málið, einfaldlega vegna þess að við erum að undirbúa okkar svör [við athugasemdum Eftirlitsstofnunar EFTA] og erum ekki í aðstöðu til þess að vera að tjá okkur um efnisþættina. Það væri ógætilegt af okkur við þessar aðstæður,“ segir Steingrímur.
Hraunið náð Njarðvíkuræð: Fylgjast með raflínu
Heitt vatn fannst sem gæti annað 10 þúsund manns
Mjög alvarlegt ef Njarðvíkuræð gefur sig
Spara stórfé með olíukaupum ytra
Erlendir miðlar greina frá tíunda gosinu
Hvað gerðist eiginlega í VMA?
Beint: Eldgos hafið við Stóra-Skógfell