Leggja mat á líknarþjónustu

Stofnunin Economist Intelligence Unit hefur tekið saman skýrslu um gæði líknarþjónustu, sem veitt er deyjandi sjúklingum í 40 ríkjum. Samkvæmt skýrslunni er þessi þjónusta best í Bretlandi en Ísland er í 25. sæti. 

Í skýrslunni fær Bretland lof fyrir gott skipulag á hjúkrunarþjónustu og líknarþjónustu þótt heilbrigðiskerfi landsins sé ekki talið með því besta í heimi.

Indland er neðst á listanum ásamt Úganda, Kína og Brasilíu. Noregur er efstur Norðurlandanna, í 13. sæti, Svíþjóð er í  16. sæti, Danmörk í 22. sæti og Finnland í 28. sæti.  

EIU segir, að í mörgum ríkjum löndum sé líknarþjónusta bágborin og séu ýmsar ástæður fyrir því, m.a. skipulagsleysi.

• 1 blogg um fréttina

Bloggað um fréttina

• Sigurbjörg Kristmundsdóttir: ég er ekki hissa