Lenti undir fjórhjóli

Maður á þrítugsaldri fékk minniháttar höfuðáverka og missti meðvitund þegar hann velti fjórhjóli og lenti undir því í dag. Slysið varð á sveitavegi rétt við Hvalfjarðargöngin um klukkan 17.00 í dag. Maðurinn var fluttur á sjúkrahús á Akranesi. Hann er grunaður um ölvun við akstur.

Maðurinn var kominn til fullrar meðvitundar í kvöld og meiðsl hans ekki talin alvarleg, að sögn lögreglunnar á Akranesi. Maðurinn var einn á ferð og missti stjórn á fjórhjólinu. 

• 1 blogg um fréttina

Bloggað um fréttina

• Börkur Hrólfsson: Veltigrind ??