Börn í vélarvana báti

Landhelgisgæslan kom vélarvana bát til hjálpar úti fyrir Laugarnestanga í Reykjavík og dregur bátur gæslunnar hann nú að landi. Ekki var mikil hætta á ferðum og skilyrði góð að sögn vaktmanns í varðstöð Landhelgisgæslunnar en börn voru um borð og því voru hafðar hraðar hendur.

Þyrla Landhelgisgæslunnar var kölluð til og var niðurstreymi þyrluspaðanna notað til að ýta bátnum frá landi svo koma mætti í hann taug en hann var kominn alveg upp í fjörugrjótið við tangann. Seig einn björgunarmaður úr þyrlunni og í bátinn.

Að sögn vaktmanns á varðstofunni gekk aðgerðin vel og var verkefnið leyst farsællega.

Leiðrétting, sett inn 31. júlí kl. 8:48

Hið rétta er að það var björgunarbátur frá Slysavarnafélaginu Landsbjörg sem dró vélarvana bátinn til hafnar. 

• 2 blogg um fréttina

Bloggað um fréttina

• Halldór Sigurðsson: Margir fylgdust með björgunaraðgerðum - myndband
• Sigurður Hrellir: Börn og fullorðnir þakka fyrir kærkomna hjálp